Diaranzon madruga a drenta informe di un accidente hit & run den e parkinglot di The Village, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto lo a dal riba un otro auto. Como cu na e sitio tin varios camara polis lo bay busca e grabacionnan aki pa wak ta cual auto a ocasiona e accidente aki. Ta aconsahabel pa e chauffeur cu a ocasiona e accidente aki bay meas pronto posibel na warda di polis di trafico na Balashi pa asina evita cu polis por bay buscabo y detenebo na trabao of otro sitio.