Diasabra mainta a drenta informe di un accidente cu hende herida na e cruzada Scopapelstraat cu Caya G.F.”Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e dumptruck di chica pos no a mira e Suzuki Swift biniendo for di pabao y e bumper di e dumptruck a haak na e wantalodo. Debi na e fuerte impacto a kere cu lo tabata tin hende herida pero na yegada di e ambulans a revisa e supuesto victimanan pero afortunadamente ningun hende a resulta herida.