Diasabra anochi a drenta informe di cu tin un damita manera desorienta riba caminda grandi na Tanki Leendert, mesora a dirigi un patruya na e sitio. Na yegada di e patruya a nota cu e damita aki lo tin problemanan social/mental y a purba brind’e asistencia. E damita aki tabata sin ningun paña di abao bisti y tabata dificil pa a logra comunica cun’e. Pa su mesun bon e prioridad tabata pa kit’e for di riba caya hib’e na warda di polis unda por a comunica cun’e trankilamente. A logra saca afor cu e ta un damita autista y cu e ta biba na Tanki Leendert. Ora e damita a regresa su adres na Tanki Leendert a bin sali afo cu e famia mes no por mas cun’e. Polis mester a bolbe bay na e adres pa asina intermedia. E damita a ser hiba hospital pa medicamento.