Accidente cu hende levemente herida pa falta di preferencia na Edisonstraat/extencion Van Leeuwenhoekstraat

Diabierna mainta a drenta informe di un accidente cu hende levemente herida na e cruzada Edisonstraat/extencion Van Leeuwenhoekstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Honda Accord biniendo for di pabao bayendo pariba den Edisonstraat no a para pa duna preferencia na e Chevrolet biniendo zuid bayendo nort den e extencion di Van Leeuwenhoekstraat. Nan a dal otro na e cruzada y e Accord a bay dal riba e muraya di cas tambe. Debi na e imoacto e chauffeur di e Accord a resulta levemente herida. Na yegada di e ambulans nan a atende e victima.

Share:

Leave a Reply

Your email address will not be published.