Den oranan di mainta mientras cu algun hende tabata moviendo algun cos den cura di un cas pa asina prepara pa e mal tempo un cacho Great Dane cu nunca sa sali for di cura a probecha ora a habri e porta y a core sali bay riba caminda net ora cu un patruya policial tabata pasando y a dal e cacho. Mesora e cacho a core bay bek den e cura y sconde bao di un trailer. E impacto tabata fuerte y a ocasiona daño na e vehiculo policial. Polis di trafico mester a bini pa documenta e accidente y pa regla asunto pa reparacion di e vehiculo. E situacion di e cacho ta desconosi pa nos.