Diadomingo mainta a drenta informe di un accidente cu hende herida na e bocht di Balashi pariba di crusada di Mondi Fierno, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Suzuki Swift RHD biniendo for di crusada mondi fierno a perde control na e bocht di Balashi bay na man drechi baha caminda dal riba trankera y despues subi e caminda bay e banda robes di caminda. Pa suerte no tabata bini ningun auto di direccion contrario. Debi na e impacto 2 persona a resulta levemente herida. Na yegada di e ambulans nan a atende ambos victima pero un di nan so mester a bay pa Centro Medico pa un atencion mas avansa.