Diamars madruga a drenta informe di un accidente na rotonde Sasaki, mesora a dirigi un patruya na e sitio. Na yegada di e patruya a bin compronde cu un dama hulandes europeo coriendo e Hyundai Tucson A41732 yegando e rotonde Sasaki a baha caminda y a bay dal riba un palo di lus y despues a sigui core bay. Polis a sigui y a bay topa cu e auto y e dama. Polis a nota cu e dama tabata bao influencia y a detene pa a core auto bao influencia y ocasiona un accidente y sigui core bay.