Diahuebs madruga a drenta informe di un accidente cu hende herida na Sero Janchi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda despues di un bocht e chauffeur di e Hyundai Tucson A31021 a baha caminda dal basta duro riba e Suzuki Grand Vitara A68462 cu tabata staciona banda di caminda bira esaki casi 45 grado y finalmente bolter bay cay memey di caminda. Debi na e impactonan y boltermento e chauffeur a resulta herida. Na yegada di e ambulans nan a atende e victima y a transporte pa hospital.