Accidente semi-frontal pabao di Greenhill den Bernhardstraat

Diadomingo madruga a drenta informe di un accidente poco pabao di Greenhill Supermarket den Bernhardstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un Nissan Fuga RHD color preto tabata bayendo direccion rotonde di FTA y un KIA Rio color cora, bayendo direccion ariba, segun testigonan y tambe chauffeur di e Fuga, ta conta cu e chauffeur di e KIA Rio color cora, a bin riba dje y a dal’e frontal. E chauffeur tabata mustra poco cansa.

A haci test pa mira si e chauffeur di KIA tabata bao di influencia, pero esey no tabata e caso. Daño material tabata bastante. E Nissan Fuga no por a move riba su mes, caminda cu a pidi presencia di takelwagen pa por a bay cun’e.

Share:

Leave a Reply

Your email address will not be published. Required fields are marked *