Diabierna madruga a drenta informe di cu tin un chauffeur cu auto para memey caminda dilanti di airport, mesora a dirigi un patruya na e sitio. Na yegada di e patruya a bin logra topa e auto na e spiral rotonde, ta trata aki di un Suzuki Vitara cual probablemente ta e mesun vehiculo cu a obstaculisa un truck di Serlimar y tabata busca problema cu nan na Santa Cruz poco mas tempran. Polis a baha bay atende cu e chauffeur y a nota cu e homber lo ta bao influencia di un of otro substancia, pero ela bira agresivo y a cuminsa papia disparate, polis mesora a detene. Esaki no a bay fasil pero finalmente a logra hib’e na warda di polis pa e calma.