Nan ta drenta diferente supermercado pa asina horta. Esaki ta e muher fam M cu ta frecuenta e chollerhouse na Shiribana. Diabierna banda di 5or el a yega na Campeon Self Service. Nan tabata den un auto blanco A-72990. Tres hende tabata tin den e auto. E muher ladron fam M y tambe dos homber. Un di e hombernan a baha y tambe e muher fam M. Nan a drenta y pidi pa algo di come den e machine di pastechi. Mientras e homber ta kita atencion di e trahador, e muhe ladron ta busca boter di bebida pa horta. A bay na e reki cu alcohol y coy un boter di biña y uno di whiskey hinca den su tas. A mire y atende cune. El a bira agresivo. Djey el a ranca bay y ambos a subi auto caminda e chauffeur tabata pendiente pa nan. A logra coy number di e auto. Mainta diasabra e doño di e negoshi a ripara cu e ladronnan a bay tambe cu un celular pa carga minuut y data di telefon na cliente. Polis a presenta bek pa tuma informacion. Kiermen a bay cu dos boter di alcohol y telefon celular. Polis a ser avisa di e caso. Asina e muher fam M ta sigui cu su actonan di hortamento ora e drenta cu su tas grandi den supermercadonan. Pronto lo publica su potret atrobe pa asina tur hende mire y keda alerta ora e drenta bo negoshi.
