Diasabra atardi a drenta informe di un accidente cu hende herida na e cruzada di Sero Janchi, mesora a dirigi tanto polis como ambulans na e sitio. Na yegada di e patruya ya ambulans tabata na e sitio caba pero no a logra haya e persona herida. Polis a bin compronde cu e chauffeur a bay bira na man drechi pero cu velocidad halto ela bay dal riba un piedra grandi banda di caminda. Segun un testigo e chauffeur ta herida y tin sanger na su cara y ela cana bay panort. Tanto polis como ambulans a core rond bisca e chauffeur pero nan no a hay’e.