Dialuna atardi a drenta informe di un accidente riba caminda di Piedra Plat, mesora a dirigi patruya na e sitio. Na yegada di patruya na e sitio a bin compronde cu aki chauffeur di un Toyota Sienta a baha caminda na man robez sin duna preferencia na trafico contrario. Esaki a causa un accidente cu un Toyota Yaris cu tabata bayendo pabao. E impacto tabata basta fuerte y a kita e wheel di banda di pasahero di e Yaris casi completo. Polis tuma datos di e accidente aki.