Diabierna marduga a drenta informe di cu sospechosonan lo a bula den cura di Warda di Balashi, mesora a dirigi varios unidad na e sitio. Na yegada di patruya na e sitio a mira 4 sospechoso ta huy bay for di e sitio. Polis a persigui nan y a logra detene 1 di nan mienstras 3 otro a huy na pia. Agentenan a drenta den cura di e warda pa controla si nan lo por ta scondi den e cura. Aki a bin encontra un motorcycle cu tabata bezig ta wordo ranca over di e muraya. A pidi presencia di vehiculo di transporte pa por a transporta e detenido pa warda di polis. Mientrastanto patruyanan a haya 2 vehiculo sospechoso den serkania y a confisca ambos di esakinan y a hiba nan warda di polis Santa Cruz. E vehiculo di transporte a bini na e sitio y a transporta e detenido pa warda di polis pa e duna cuenta tocante e susedido. Departamento technico y forensico di polis a keda notifica tambe y lo pasa den mainta pa asina por controla e motorcycle pa cu investigashon.