Diahuebs atardi a drenta informe di un accidente cu hende herida na Pos Chikito, mesora a dirigi tanto polis como ambulans pa e sitio. Na yegada di e patruya a bin compronde cu aki ta trata di un incidente unda e manehador di un scooter electrico lo a perde control y a bay cay na banda di caminda. E manehador a ricibi varios herida na su curpa y tambe na su cabes e tabata sangra te hasta pa su orea. Familiarnan a bay cu e scooter for di e sitio caba prome cu polis a yega. Na yegada di e ambulans nan a atende e victima y a transporte pa hospital.