Diabierna mainta a drenta informe di cu tin un cas na candela na Montaña, mesora a dirigi tanto polis como bombero na e sitio. Na yegada di e patruya a bin compronde cu aki a start un candela den un cuanto banda di e cushina unda tabata tin bela sendi y esaki despues di un sonido di explosion unda sea un leak di gas of un otro producto cu ta explota. Afortunadamente e explosion tabata minimo pero asina mes e sonido a spanta bisiñanan. Den e cas tabata tin un señora di edad cu su nieta cu tambe a spanta pero e señora mes a logra paga e candela bashando awa. Bomberonan a yega y a revisa tur cos pa esaki ta safe pa e habitantenan regresa den e cas.