E barco di guera Zr.Ms. Groningen, cual actualmente ta nabega pa Guarda Costa di Caribe, a intercepta un go-fast, den Mar Caribe, cu tabata transportando un carga grandi di droga, presumiblemente cocaina.

Riba e go-fast tabata tin cinco persona cu na momento cu nan a ripara cu nan a ser atrapa, a cuminsa benta varios bulto for di e boto. E parti ey di e cargamento a ser perdi, pero ainda a logra confisca mas di 1620 kilo di droga. Durante e accion di interceptacion, den cual Guarda Costa tambe a dispara, un persona abordo di e go-fast. E disparo aki a resulta fatal pa un di esnan abordo di e go-fast.

E sospechosonan, e resto mortal como tambe e contrabando a ser entrega pa Guarda Costa di Caribe na polis di Curaçao, cual lo sigui cu e investigacion. Awor cu Guarda Costa tabata envolvi den e interceptacion y un persona a resulta morto den tiramento, e Direccion Nacional di Investigacion Criminal tambe ta involucra den e investigacion.