Diaranzon mainta tempran despues di cu tabata tin asistencia for di oranan di madruga pa un dama na un hotel na Eagle Beach, unda polis mester a bay atende cu un dama huesped di e hotel unda cu e dama mes no tabata sa kiko e kier pero tabata pidi pa ambulans. Ora cu polis mester mas informacion e dama no kier a bisa nada ni na hasta su tata cu tambe tabata tey. Polis a papia cun’e y a ripara cu e dama tabata confundi door di ta bao influencia y/of depresion, polis a recomende pa e bay sosega su curpa y a keda di haci esey. Despues den oranan tempran di mainta atrobe tabata tin asistencia p’e y polis a regresa y a bini cu e vehiculo di transporte pa asina hib’e na un sitio pa su mesun bon.