Polis y bomberonan a bay na un cas na Palm Beach pa un mucha muher chikito pega den baño sin bentana y ta sofocando

 


Diamars anochi a drenta informe di cu tin un mucha muher chikito pega den baño sin bentana anto sofocando pa mas di 1 ora caba, mesora a dirigi tanto polis como bombero na e sitio. Na yegada di patruya a bin compronde cu aki ta trata na un cas di vakantie unda un mucha muher no por a sali for di e baño pa mas di un ora y tabata sofocando ya cu e baño no tin ningun bentana. Na yegada di bombero nan a logra habri e porta y libera e mucha. Tabata tin mas mucha na e cas y nan a keda contento cu nan amiguita a keda rescata y nan tur a bay pose banda di e truck di bombero pa asina nan tin un prueba dibe recuerdo di rescate na Aruba.

Share:

Leave a Reply

Your email address will not be published.