![](https://www.awe24.com/wp-content/uploads/2022/07/995EB29E-2BDD-409F-B4A2-EF957B7FB4D4-668x334.jpeg?v=1658955004)
ORANJESTAD: Diamars mainta Minister Endy Croes a reuni cu sr. Rammy Ramada, secretario general di Aruba Athletic Federation (AFF). Durante e reunion a trata e.o. stadion Guillermo Prospero Trinidad na Dakota cu e aña aki e veld di futbol, luznan y e tribuna ta wordo renoba. E pista di atletismo tambe tin mester di atencion. Den un ‘joint venture’ entre Gobierno di Aruba y Aruba Athletic Federation lo percura pa esaki wordo realisa. Minister Endy Croes a sigui bisa cu ta sondea posibilidad pa haya fondo di World Athletics. E plan di Gobierno di Aruba hunto cu Aruba Athletic Federation y World Athletics ta pa bin na fondonan pa ora renoba e stadion por pa amplia e pista di atletismo di 6 pa 8 ‘track’. Y asina cumpli cu standardnan internacional y atrae caredanan den region pa Aruba.