Diamars atardi a drenta informe di un caso di kiebro y ladronicia for di un auto dilanti Archivo Nacional, mesora a dirigi un patruya na e sitio. Na yegada di e patruya a bin compronde cu for di diadomingo un chauffeur a laga su auto cu a daña atras dilanti Archivo Nacional pero ta te diamars ainda e tabata eynan y un empleada di archivo cu conose e doño a yame bisando cu su auto ta kibra eynan y nan a reboltea den dje. Mesora e doño a bay eynan y a confirma cu esey ta e caso. Ela yama polis djies pa informa cu nan a kibra su auto y cu no tin nada di balor anto e antisocialnan no a bay cu nada pues e no a entrega keho.