Diasabra atardi a drenta informe di un accidente cu hende herida banda di Polyrama na Sero Patrishi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia. Debi na e fuerte impacto 2 mucha turista a resulta herida. Na yegada di e ambulans e paramediconan a atende e victimanan y a transporta nan pa hospital.
