Atraco arma cu hende herida na un cas na Tanki Leendert

Diadomingo atardi a drenta informe di un caso di atraco cu arma y un persona herida na un adres na tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di 3 homber den un auto marca Nissan, modelo Cube (RHD), color blanco, numer A-72188, a yega na e cas Tanki Leendert # 167-V y comete un atraco arma. Esaki a sosode alrededor di 4:25pm di awe diadomingo atardi. E Cube color blanco a para pazuid di e cas. Dos atracador, ambos di habla Spaño y cu cara tapa, a baha drenta e cas y agredi e doño. Un cu un arma di candela y e otro cu un cuchiu. Durante e proceso, a kibra telefon celular tambe cu tabata den e cas. Djey nan a sali bay na careda. E victima a sali pidi yudansa na bisiña pa bati alarma y dos patruya a yega. Paramediconan a trata e victima den ambulance na e sitio mes. El a haya sla na cabes y tabata sangra. Di acuerdo cu e prome version di Polis, e atracadonan a logra scapa cu un motin di $11.000, varios joyas y dos celular marca Samsung. E celularnan iPhone nan a kibra den e cas, probablemente nan sa cu sigui celularnan iPhone unda cu ta na mundo. Asina den pasado a gara varios ladron! E homber di nacionalidad Peruano y tin varios dama latino den e cas. Recherchenan di Atraco Team hunto cu e Polisnan Forensico a presenta pa conduci un investigacion na e sitio mes. A interoga tur esunnan den e cas pa nan splica kico e pasa, kico nan a mira, discripcion, detayenan necesario pa e recherchenan cu hopi experiencia den atende tipo di casonan asina, por sigui e “patronchi” di e atracadornan, cu hopi biaha sa ta identico na otro casonan, cu ta facilita e proceso pa yega na e sospechosonan.

Share:

Leave a Reply

Your email address will not be published.