Despues di a core tras di su victima den Scobillostraat e sospechoso a staka e victima na su nek. Polis a detene e sospechoso


Diahuebs atardi a drenta informe di cu un conocido persona cu problema di salud mental lo ta coriendo tras di un otro persona cu un cuchiu pa hinke den Scobillostraat na Pos Chikito, mesora a dirigi patruyanan na e sitio. Na caminda pa e sitio a drenta un otro informe di cu e agresor a logra staka e victima y esaki ta herida pariba di e rotonde Pos Chikito. Na yegada di e patruya na e sitio a pidi ambulans cu urgencia ya cu e victima tin un hinka di cuchiu bao nek. E agresor mes a core bay for di e sitio y a bay sconde na su cas na Scobillostraat. Na yegada di e ambulans nan a atende e victima y a transporte cu urgencia pa hospital. Mientras e otro patruyanan a bay na e cas di e sospechoso y a detene, polis a haya e arma y a confisca esaki pa mas investigacion.

Share:

Leave a Reply

Your email address will not be published.