Mama y su yiu di 4 aña a haya baño di gasolin na pompstation

 

Diadomingo atardi a drenta informe di un incidente cu hende herida na Citgo Sero Blanco pompstation, mesora a dirigi tanto polis como tambe ambulans na e sitio. Na yegada di e patruya a bin compronde cu aki ta trata di un caso unda cu ora cu tabata yenando gasolin den e tanki e mama pa un of otro motibo lo tabata tin pura y no kier a warda pa e homber mes saca e slang for di e tanki di gasolin di e auto y ora e mama a baha for di auto pa saca e slang, e mucha chikito net na e momento ey tambe lo a baha for di auto. A bin resulta cu e pomp no tabata cla di yena gasolin ainda y ora e mama a saca e slang, e gasolin ainda tabata core y a basha riba e mama y den cara di e mucha chikito. Na yegada di e ambulans nan a atende e mucha na e sitio y despues a transporte pa hospital.

Share:

Leave a Reply

Your email address will not be published. Required fields are marked *