2 Persona di edad a resulta herida den un accidente na Shaba

Diadomingo atardi a sosode un accidente cu 3 auto envolvi, na e skina banda di Compleho Deportivo Frans Figaroa.
Rapidamente polisnan cerca di warda di Shaba a sali bay atende e accidente aki y trafico tambe a presenta na e sitio di e incidente. Dos persona di edad a keda levemente herida den e accidente aki. Polis di trafico a yega na e sitio y a cuminsa cu investigacion mesora riba e accidente aki, caminda cu e Kia Carens cu dos personal di edad den dje, tabata bayendo direccion zuid y na dado momento un Nissan pickup color blauw bayendo direccion noord a bay lora mucho trempan y a dal den e Kia Carens.

A consecuencia di esaki e Kia Carens a dal den un Getz color cora para na e crusada pa sali. E dos personanan di edad a keda herida y ambulance a presenta na e sitio pa asina atende cu nan. Despues a transporta na pa hospital pa chekeo medico. Daño material ta basta grandi y takelwagen a wordo pidi pa asina move e Kia Carens door cu e no por move riba su mesun forsa.

Share:

Leave a Reply

Your email address will not be published.