OPINION: Volksgezondheidsdienst boso ta controla bendedornan ambulante tambe?

Personanan no sa mas con pa yega na plaka, ta para pafor anochi 7:45pm cu yiu chikito den stroller y ta bende bolo pa 5 florin. E persona aki ta habla spaño y ta bende producto di come. Pa esaki tambe tin exigencia di Volksgezondheid cu mester tin greencard. Pero unda Sociale zaken a keda cu no ta mira cu mayornan irresponsabel ta cu nan baby anochi laat riba caya y ta hasi negoshi y no ta percura pa e seguridad di mucha cu mester ta den su cama caba y evita cu e ta bira malo. Mientras cu tur hende ta actua irresponsabel, AZV su gastonan no ta baha. E mas peor di e situacion aki ta cu e donjonan di negoshi ta permiti pa e personanan aki hasi esaki. Nan tambe ta comete infraccion cu ta permiti pa bende productonan di come cu no ta cuadra cu nan negoshi cu ta registra cu ta bende electronics. Asina tambe bo ta haya cu supermercadonan grandi ta pone cashier pidi pa hasi donacion pa fundacion pa caridad, esey no ta cuadra cu e trabao di cashier.

Sin laga afor esnan cu ta pasa bende cuminda na unda tin trahadornan na sitionan di construccion, esakinan tambe ta wordo controla?

Share:

Leave a Reply

Your email address will not be published.