Dama chauffeur a subi rotonde sin duna preferencia a causa un accidente cu hende herida na rotonde Balashi

Diasabra atardi a drenta informe di un accidente cu hende herida na e rotonde na Balashi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto di huur Hyundai biniendo for di Balashi W.E.B. a subi e rotonde sin a duna preferencia na un otro auto di huur Chevrolet cu tabata riba e caminda principal bayendo pariba. Debi na e impacto un dama pasahero a resulta herida y tabata keha di dolor di lomba ya cu e dama algun aña atras tabata envolvi den un accidente unda cu e auto a bolter y e dama a keda cu problema di lomba. Na yegada di e ambulans nan a atende e victima y a transporte pa hospital.

Share:

Leave a Reply

Your email address will not be published.