Dialuna mainta a drenta informe di cu tin un huma preto ta sali for di un transformator huis di Elmar na Zandstraat, mesora a dirigi un patruya na e sitio. Na yegada di e patruya a bin constata cu esey ta e caso y a solicita presencia di Elmar ybombero na e sitio. Na yegada di Elmar a bay na e otro puntonan cu ta manda coriente pa e transformator huis ey. Na yegada di bombero mester a warda Elmar kita tur e coriente pa asina basha awa den e casita ey. Despues di a kita e coriente a logra paga e vlam cu tabata tin pa asina Elmar wak e situacion y cuminsa cu trabaonan di reparacion. Un trabao cu lo dura algun ora.