Diaranson mainta e oficialnan di polis di bario di Oranjestad, durante control di un pick-up sospechoso a bin haya 2 persona cu na prome instante tabata indocumenta pero durante e revision a bin resulta cu aki ta trata di 2 persona ilegal na Aruba. Esey no ta tur a bin resulta cu esun cu ta na stuur ta nada mas y nada menos cu e 3er homber oficial di Kustwacht na Aruba! E informacion aki a shock henter Aruba pasobra net awor nos tin un gobierno cu ta boga pa integridad y esaki ta bin sosode. For di fuentenan halto di Kustwacht nos a compronde cu esaki ta inacceptable pero lo bay investiga y consulta cu e persona concerni y lo evalua si ta algo priva e lo keda priva.