[VIDEO] E team di polis pa atende cu drugspanden a bolbe score a desbarata otro punto di venta di droga y a haci detencion

 

 

 

Update policial:

—Cuerpo Policial ta informa—

Project Team Drugspanden cu entrada hudicial na un cas na Tanki Leendert y na un cas na Paradera. A detene dos hende homber pa bendemento di droga

Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
En conexion cu un investigacion andando Project Team Drugspanden a haci entrada hudicial na un cas na Tanki Leendert y na Paradera.
A detene dos hende homber di inicialnan: Y.C.S di 35 aña naci na Guyana y J.O.G.O. di 31 aña naci na Peru pa bendemento di droga for di e percelanan menciona.
Durante razzia a confisca un cantidad di droga.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo pa bendemento di droga.

 

Diahuebs mainta e team di polis pa atende cu puntonan di cultivo, prepacion y venta di droga “team drugspanden” a bolbe score na Paradera y Tanki Leendert. Detencionnan a cay, nos ta pendiente di vocero policial pa mas informacion. Nos lo sigui informa

Share:

Leave a Reply

Your email address will not be published.