Diabierna madruga casi birando mainta a drenta informe di cu tin un dama hopi agresivo na un adres na Sero Blanco, mesora a dirigi un patruya na e sitio. Na caminda pa e sitio a drenta otro informa pa nan bay cu mas pura y mas patruya ya cu e situacion a escala. Na yegada di e patruya a bin haya e dama completamente sin paña y tabata gritando ela pasa man pa un palo y tabata bati esaki cu furia. Na un dado momento hasta polisnan a prepara pa saca nan arma despues di varios biaha bisa e dama pa benta e palo abao ela haci esaki ey polisnan a probecha y tacticamente a control’e. E vehiculo di transporte pa detenidonan a presenta y asina nan a logra pa hiba e dama pa hospital.