Diabierna mainta a drenta informe di un accidente cu hende herida dilanti Cayena Mall, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Suzuki Liana a subi caminda sin a duna preferencia na e auto Kia Cerato cu tabata bini di pariba y nan a dal den otro. E impacto tabata fuerte y ambos chauffeur a resulta herida. Na yegada di e ambulans nan a atende ambos victima.  E dama chauffeur a ser transporta cu ambulans pa hospital.