ORANJESTAD: Minister Endy Croes a elabora riba diferente proyecto cu ta andando na unda cu ta scucha di e veld di enseñansa, ta reuni cu e cabesantenan, ta splica e idea y ta splica pakico tambe e ta e miho idea. E mandatario a señala cu dia 1 di juli a cuminsa ehecuta e cambio di edificio di e scolnan. Scol Reina Beatrix cu tin alrededor di 315 alumno tabata situa den un edificio na Seroe Blanco unda tin 8 lokaal y 4 modulaire den YMCA na Dakota. Un scol grandi cu a wordo gesplit desde cu e la wordo cera na aña 2014. E edificio original di Reina Beatrix ta un momumento y e la bira mas costoso y dificil pa por wordo drecha bek. A bin cu e solucion pa haci un intercambio na unda Paso pa Futuro tabata antes e edificio di e scol ta grandi cu un total di 17 lokaal. A yega na un acuerdo cu e cabesante y docentenan.  Minister Endy Croes a sigui bisa cu e ta hopi contento cu diahuebs ultimo tabata e prome dia di scol di Reina Beatrix School den su edificio nobo. Durante vacacion escolar a verf e klasnan, gangnan y dentro di poco lo bin un cura nobo. E mandatario a sigui bisa cu e docente y cabesantenan ta hopi contento e intercambio aki.

 

Minister Endy Croes ta gradici e cabesantenan di ambos scol pa nan colaboracion den e proceso di intercambio di edificio. Paso pa Futuro awo ta bay funciona den e edificio unda antes Reina Beatrix School tabata situa. Pabien na ambos scol specialmente e cabesantenan. E mandatario a sigui bisa di tin hopi aprecio pe e trabounan cu a wordo haci hunto henter e ekipo. Reina Beatrix School a cuminsa oficialmente diahuebs ultimo y dialuna awo Paso pa Futuro ta inaugura aña escolar 2022 – 2023