Diasabra mainta a drenta informe di un accidente cu hende herida den Bernhardstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e Ford Escape preto A68671 coriendo cu velocidad halto a perde control baha caminda y bolter. Debi na e accidente aki e chauffeur a keda pega den e auto y a solicita e equipo di rescate di bombero. Na yegada di e ambulans nan a atende e chauffeur pero mester a warda bomberonan yega pa asina logra saca e victima. Na yegada di e bombero nan a libera e victima y ambulans a transporte pa hospital pero escolta pa polis ya cu e victima tabata inquieto.