Polis a detene chauffeur burachi cu a ocasiona accidente na Camacuri

Diadomingo anochi un oficial di trafico bayendo direccion Playa banda di belasting kantoor a topa cu un accidente. Mesora e patruya di trafico a bay atende y a nota cu e chauffeur masculino di e auto cora ta bou influencia di alcohol. Polis a pone supla y el a surpasa e limite. Mesora a detene e homber aki. Polis a tuma datos di e accidente, y e otro partido ta conta polis cu e tabata bayendo direccion abou y na dado momento un auto color cora bayendo ariba a hala den su banda dal den e Tucson y kibra e  wiel di e Tucson. A pidi presencia di dogcatcher p’asina transporta e detenido pa warda di Playa. Takelwagen a bay cu e auto cora pa warda di Balashi door cu e no tin seguro.

Share:

Leave a Reply

Your email address will not be published.