MINISTER ENDY CROES Y IBISA A REUNI RIBA DIFERENTE PROYECTONAN DEPORTIVO CU PRONTO TA WORDO LANSA.

 

ORANJESTAD: Siman pasa Minister Endy Croes a reuni cu ekipo di maneho di IBISA y Ministerio di Deporte unda a trata diferente proyectonan interesante na bienestar general di deporte. Durante e reunion a trata e.o. Weganan Interinsular entre scolnan basico cu ta inicia bek den 2023 entre Aruba, Boneiro, Curaçao, Sint Maarten, Sint Eustatius y Saba. Mandatario di Deporte a enfatisa cu pa fin di luna di september lo firma e acuerdo aki na Boneiro. Un otro proyecto cu ta den planificacion ta; un dia di conscientisacion ‘awareness day’ pa automobilistanan pa cu coredonan di bicicleta.  Tambe a trata durante e reunion ‘Diadomingonan Activo’ cu ta inicia den luna di october proximo. Alabes a reuni riba e lansamento di WE Aruba pa aña 2023 unda cartanan ta sali pa scolnan den e luna aki. Minister Endy Croes a expresa cu tin varios proyectonan deportivo intersante a wordo trata den e reunion y pronto ta wordo lansa. Concluyendo Minister Endy Croes a expresa cu e tabata un tremendo reunion.

 

 

 

Share:

Leave a Reply

Your email address will not be published.