Mas embarcacion purbando drenta nos isla cu 31 hende riba dje (den nan hasta mucha)!

Den oranan di anochi Guarda Costa a observa un embarcacion sospechoso cerca di Curaçao. Despues di ela deteccion di e embarcacion sospechoso, e Centro di Operacion Maritimo di Guarda Costa a dirigi inmediatamente e cutter Jaguar y un Metal Shark na e sitio unda a drtecta e embarcacion. Unabes den e area, e tripulacion di ambos boto patruyero di Guarda Costa a observa un embarcacion chikito cu cantidad di persona abordo. Despues di un investigacion di parti Guarda Costa a bordo, a resulta di ta un embarcacion cu 31 indocumentado. Tur e personanan aki y e embarcacion a ser hiba na e waf di Guarda Costa unda nan a ser traspasa pa polis di Curaçao. Di e 31 personanan aki, di cual 7 tabata muher y 24 homber, incluyendo 3 menor. Cuerpo Policial di Curaçao lo sigui investiga e caso aki mas a fondo.

Den e proximo periodo, Guarda Costa lo intensifica su controlnan riba lama den colaboracion cu Cuerpo Policial di Curaçao. E controlnan aki tin como objetivo cuida nos fronteranan contra e transporte ilegal di droga, e migracion ilegal, e contrabando di persona y di arma di candela. Pa por monitorea di manera optimo nos awanan territorial, ta pesey tambe Guarda Costa ta solicita e ayudo di comunidad. Como ciudadano alerta, abo mes por informa Guarda Costa ora bo por observa situacionnan sospechoso riba lama. Bo por contacta Guarda Costa den día y anochi na e number di telefon 913 y tambe via whatsapp na 005999 – 510 0913.

Share:

Leave a Reply

Your email address will not be published.