Dama chauffeur di un Toyota Corolla no a duna preferencia na un Hyundai Getz, 2 dama di edad a resulta herida


Diamars mainta a drenta informe di un accidente cu hende herida na e cruzada Engelandstraat cu Frankrijkstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Toyota Corolla biniendo for di zuid den Engelandstraat no a para pa duna preferencia na e Hyundai Getz cu tabata bini cu preferencia di pariba y nan a dal den otro. Debi na e fuerte impacto e 2 damanan di edad den e Getz a resulta herida. Na yegada di Rapid Responder di Ambulans nan a atende e dama chauffeur di e Getz, e paramedico a controla y a haya cu ta mihor pa ambulans mes hib’e hospital. Na yegada di e ambulans nan a transporta e dama chauffeur pa hospital.

Share:

Leave a Reply

Your email address will not be published.