ORANJESTAD – Federacion di Biyar Arubano, FEBIAR, ta den full swing aya n’e palacio di biyar na Tanki Leendert cu e torneo anual bola 8 pa ekipo! Desaroyonan sumamente interesante ta sosodiendo caminda aparentemente a perde e luz dje tunnel cu strea di nort! Ken por a pensa cu e temibel gang di cacho brabo, MadDogs BT, por a cay na awa y haya mordi di pisca feroz asina malamente? Wel, shonnan, ‘het kan verkeren’!
Johnny Tromp, aka “De Indiaanse Herder”, ta sali pa MadDogs foi santana topa Gino Geerman y dal e cu 2-1! Maikel Maduro, otro cacho brabo, ta cay na awa sin zwemdiploma contra veterano Aaron “The Baron” Franken, y cu 2-0 Aaron ta empata e partido sin misericordia!
Monsalve di Mad Dogs ta gana nada menos cu JorzinhoEveron, y blafmento ta cuminsa na ordo ora Mad Dogspika bay dilanti cu 2-1! Pero … aki nan Barracuda ta cuminsa duna un masterclass den con pa pone nan contrincante “zing een toontje lager”! Roden ta gana van Aanholt, Brandon cu D’Angelo ta gana tag-team T. Trompcu R. Gomez, kendenan por cierto a laga e mesa tur bou di kakiña cu stropi calbas, Ransley Tromp ta haci un come back, y por ultimo Pepe The Rose ta cera porta di santana y laga Betto Saladin kansloos bay fondo di lama! Barracuda ta pone cachonan brabo canta cayay cayay cu score di 5-2!
Y n’e otro banda, con ta para cu e bestia feroz di Asia conoci bou nomber di Mongoose? Wel, ta manera e dentista famoso di Aruba a bisa cu kauw ariba hero ta malo pa bo djente! Smolly Andrews, Alton Burke, IndjomarBriezen, y Edwin Chirino (ta ken a laga porta di santana habri atrobe?), un pa un ta haya nan pakete di retiro y den un frega di wowo Steelers ta dilanti cu 4-0! Robby “TheNatural” Nathu hunto cu Patrick ta scapa cara dje pober Mongoosje ganando nada menos cu M. Tromp y Gunnar“Blonde Machine” Leonardo cu 2-1, pero di biaha e pober Beast from the East ta cay den otro ora cu Roukos T. dal nada menos cu Jorge “The Terrible from Catiri” Petrochicu 2-0! Steelers sensacionalmente ta dal Mongoose cu score di 5-1, style di “roadkill”! Keda pendiente, pasobra campeonato pa ekipo FEBIAR Bola 8 ta den full swing!
