MINISTER ENDY CROES A RECONOCE ATLETANAN CU A LOGRA 18 TROFEO DEN DERBY CITY NATIONALS 2022.

ORANJESTAD: Diaranson atardi den un esfera amenoMinister Endy Croes a ricibi ekipo di Rough Riders, Speedworx y Streetwise cu recientemente a participa den efamoso Derby City Nationals 2022 cu a tuma luga naLouisville Kentucky, Merca. E tabata tres dia di competencia. Ta di remarca cu den e competencia aki hopi top coredonan a participa di e.o. Brasil, Colombia, Korea, Merca, Venezuela y Aruba.  E atletanan a logra conkista 18 trofeo.

E mandatario di Deporte a duna e atletanan un reconocementoden nomber di Gobierno di Aruba pa nan excelente logro y a gradici nan pa pone Aruba su nomber briya riba plataformainternacional. Minister Endy Croes a expresa; nos ta orguyosodi boso, keda traha duro pa asina sigui logra boso soñonan.Concluyendo Minister Endy Croes ta manda palabranan di pabien na main coach sr. Gregory Wouters y coach FeddisonFlanders pa guia y prepara e atletanan. Alabes ta gradici e mayornan pa sostene nan yiu den e deporte cu nan ta practica. Minister Endy Croes ta desea e atletanan hopi exito den nan proximo careda cu ta tuma luga na Oldsmar, Tampa Florida.

Share:

Leave a Reply

Your email address will not be published.