Partido MEP: E CULTURA CORUPTO DI AVP PA MANEHA FONDO A REDOBLA NOS DEBE NACIONAL

E caso penal Avestruz contra e sospechoso acusado di corupcion, Benny Sevinger a cuminsa diaranson 7 di September y lo conoce un veredicto na januari 2023. Diaranson a bin dilanti huez e acusadonan Harms, Sussebeek y Sevinger. Acusacionnan ta soborno, labamento di placa y malversion. E fundacion di Benny Sevinger, e asina conoci Sitchting Fundacion Curazon Berde, a ricibi un cantidad grandi di placa for di sponsornan hopi yega na Sevinger. Ta sospecha cu esakinan a bay a cambio di terenonan cu señor Sevinger lo a fix pa nan.

Durante e caso, e acusado a duna di conoce cu cada biaha cuplaca caba y nan bay ‘overbudget’, Sevinger of e fundacion ta pidi pa mas placa pa sigui cu e campaña. Mesora tabata traha un cheque y haci e donacion. Sevinger a laga sa cu e no tawata sa cuanto placa su fundacion tawata ricibi na sponsor.

Ta sospecha cu asina lo a cumpra Sevinger pa asina haya tereno. Tramitenan a wordo haci hasta den e periodo cu Sevinger tawata minister demisionario y despues di eleccion dia 27 di September 2013. Fin di October di 2013 Sevinger a huramenta como Minister di Infrastructura y dia 18 di November 2013, pagonan ainda a wordo haci. Y como excusa a bisa cu e fundacion a bay overbudget y no tawata tin placa pa paga recibonan habri.

Partido MEP, siguindo e desaroyo di e caso penal aki contra Sevinger, ta conclui cu AVP tin pensamento y forma di maneha hopi iresponsabel, robes y corupto. Mas cu claro, si esaki ta e cultura di partido AVP pa maneha nan fondo, ta logico cu nan a redobla e debe nacional di nos pais hibando un maneho financiero hopi iresponsabel y desastroso pa e futuro di nos pais.

Share:

Leave a Reply

Your email address will not be published.