Diasabra madruga a drenta informe di cu tin un homber ta siguiendo un dama den auto riba Wilhelminastraat yegando warda di polis, mesora a saca polisnan for di warda pa atende cu e sospechoso. E sospechoso yegando warda di polis a wak cu polis ta bay pare y a pasa den verboden prome yega cu warda di polis y a sigui core den verboden te banda di Rancho. Polis nan a sigui su tras y e chauffeur a paga e luznan di su auto. Polis pa un rato a perde for di bista den area di Ranchostraat. E sospechoso mes a core bay na pia lagando e auto atras cu e yabi aden. Pero un rato despues a topa cu e auto den Kerkstraat y a confisca esaki.