Cuerpo Policial ta Informa.

 

 

ATRACO na un cas na Saliña Cerca

Pa mas o menos 04.20 central di polis ta wordo notifica di un atraco cu a caba di tuma lugar na un cas na Saliña Cerca.
Na yegada di patruya ta bin compronde di e victima ( welo) cu e lo mester a wordo atraca door di un hende homber cu ta papia bon papiamento. E tawatin un arma di candela cual ela utilisa prome pa menasa e welo y exigie pa entrega e placa y ora e welo a resisti e atracado a bay busca un di e nietonan y utilise pa forsa e welo entrega e placa. Ora esaki a sosode y pa evita lo peor e welo a haye obliga pa bay den cashi coy e placa y a entrega esaki na e atracado. A bay cu un suma di mas o menos 7 mil florin.
Mirando e trauma cu e muchanan y e welo a pasa aden asistencia di Slachtofferhulp a wordo pidi.
Atraco Team y BFTO a presenta na e sitio pa haci nan investigacion.

Di parti Cuerpo Policial ta pidi esnan cu a wak algo of sa algo yama e tiplijn di polis cu ta 11141.