Chauffeur di truck a reverse dal palo di lus y core bay, e chauffeur a bisa cu e no sa


Diaranson mainta a drenta informe di un accidente di un truck riba un palo di lus na Saliña Cerca, mesora a dirigi un patruya na e sitio. Na caminda pa e sitio a drenta un otro informe di cu e truck blanco cu baki blauw sin number patras a core bay direccion di Tierra del Sol, despues a sigui stret y na Malmok ela bay zuid direccion Ritz Carlton. E oficialnan di e brigada motorisa a dirigi nan mes pa e sitio y a logra bin para e truck na Malmok. Aki ta unda a atende cun’e y a pon’e bay bao escolta di nan pa e sitio unda e accidente a pasa. E chauffeur a bisa cu e no tabata sa mes cu ela dal e palo di lus. Eynan a mira cu e palo di lus a haya un scheur mas o menos na mita di e palo di lus y tabata kentel den banda mientras abao por mira cu e palo di lus a hala y a keda un abertura na e vloer.

Share:

Leave a Reply

Your email address will not be published.