Departamento di Aduana ta informa di e maneho nobo di Inspectie VolksgezondheidAruba en conexion cu importacion di suplemento y/of remedi pa uzo propio

ORANJESTAD- Recientemente Inspectie Volksgezondheid a introduci un maneho nobo en conexion cu importacion di suplemento y/of remedi cu no ta registra y suplemento pa uzopropio. E maneho aki ta indica cu cierto suplemento y remedi tinautorisacion pa importacion sin tin mester di un permiso for di Inspectie Volksgezondheid Aruba. Pa remedinan y/of suplementonan (‘zelfstandigheid’) den forma di suministracionfarmaceutico manera tablet, injeccion, polvo, ampullen, suspencion, azeta, crema, zalf, y ‘zelfstandigheden pa uzo propio y pa animal cu no ta para riba e lista, mester obtene un permiso di importacion.

Pa obtene permiso di importacion mester manda e siguiente documentonan na ivg@iva.aw
Documentonan:

1. Un peticion pa permiso di importacion yena (documento di Douane) hunto cu e bill of lading of e formulario di DouaneLuchthaven Reizigers.
2. Un declaracion yena pa uzo propio for di InspectieVolksgezondheid Aruba (mester wordo inclui adhunto).
3. Un copia di forma di identificacion (paspoort of rijbewijs) di e individual cu ta importa e zelfstandigheden’.
4. Un copia di e factura di e zelfstandigheden.
5. Si ta aplicabel, un copia di e verpakking di e zelfstandigheden.

E lista di remedinan y/of suplementonan cu no ta rekeri permiso di importacion ta obtenibel riba nos website viahttps://www.douane.aw/ bou di e seccion di documenten> downloadformulieren (particulier)> positieve lijst supplementen.

E formulario di declaracion pa uzo propio di InspectieVolksgezondheid Aruba ta obtenibel riba nan website viahttps://www.iva.aw/seccion-di-remedi

Pa mas informacion of pregunta por tuma contacto cu InspectieVolksgezondheid na 526-2160 of ivg@iva.aw como tambe Departamento di Aduana na 523-8888 of info@douane.aw.

Share:

Leave a Reply

Your email address will not be published.