Den oranan di madruga a drenta informe di cu un turista lo a ser agredi despues di a sali for di casino y ta wardando na un hotel low rise, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un turista cu a haya problema cu un persona den e casino y na su regreso pa hotel na caminda ela ser agredi. Polis a bis’e pa e pasa entrega keho na recherche. Ambulans a presenta pa atende e victima y polis a sigui su patruyahe. Un rato despues a drenta informe di cu e victima a haci fastioso den e ambulans y a bolbe dirigi e patruya na e hotel. Na yegada di e patruya a bin resulta cu despues di a haci fastioso den e ambulans ela sali bay drumi den su camber. Polis a laga sa si e sigui haci fastioso nan lo bin buske pa hib’e den cel.