Diahuebs merdia a drenta informe di un accidente cu hende herida pabao di Botica Santa Anna na Noord, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal unda e chauffeur di un Nissan Note biniendo for di pabao a bay bira na man robes sin a duna preferencia na un Chevrolet Cruze biniendo di direccion contrario for di pariba y nan a dal frontal. Debi na e fuerte impacto ambos chauffeur a resulta herida y tambe un pasahero den e Note. Na yegada di e ambulansnan nan a atende e victimanan.