Aruba Tourism Authority y Aruba Hotel and Tourism Association ta organisa algun sesion special cu e artista Levi Silvanie

E sesionnan ta como muestra di gradicimento cu un enfokespecial riba inspira y empodera a traves di musica

Riba dialuna 19 y diamars 20 di september proximo, como parti di un esfuerso conhunto entre Aruba Tourism Authority (A.T.A.) y Aruba Hotel and Tourism Association (AHATA), ta organisaalgun sesion special dedica na parti di e sector di turismo y hospitalidad. E evento ta tuma luga den Las Palmas Ballroom di Holiday Inn Aruba Resort & Casino. Mirando cu e espacio talimita, a pidi companianan pa scoge e empleadonan cu lo participa na e sesionnan aki.

 

Recientemente CEO di A.T.A. y CEO di AHATA tabatapresente na un evento pa scucha e artista Levi Silvanie. For di e evento ey a bin cu e idea pa ofrece un experiencia similar na e empleadonan di sector turistico. Dia 27 di september ta DiaMundial di Turismo y ta precisamente den e cuadro ey cu a optapa dedica mas atencion y ofrece e sesionnan aki como muestradi aprecio pa tur nan esfuersonan.

 

E concepto ta encera cu lo ofrece diferente sesion auditivo cu artista Levi Silvanie, caminda lo crea experiencia cu lo inspira y empodera. E impacto cu ta desea di haya lo ta posibel a traves di su musica combina cu dialogo.

 

A.T.A. y AHATA sa cu e trayectoria di pandemia no tabata uno semper facil pa un y tur, cual sigur ta aplicabel pa e sector di turismo. Pa medio di inspira, motiva y empodera kier para keto unrato, gradici y contribui na bienestar mental di esnan cu ta ofrece servicio na nos bishitantenan.

 

E desaroyo di turismo sostenibel ta basa principalmente den e capacidad di nos hendenan pa sigui insipra nan mes door di brinda y comparti vibra positivo y feliz na e bishitante. Puesesaki ta un inversion valioso den recurso humano, un inversion cu ta apoya nan bienestar y cu ta enrikece e experiencia di “One Happy Island”. Esaki lo ta un forma di duna bek, ademas di duna un impulso y apoya e industria.

 

 

Tocante Levi Silvanie

Levi Juda Nathaniel Silvanie a nace na Corsou dia 7 di november 1987. E ta un artista, ta crea musica, ta conta storia, alabes ta escritor y ‘creative entrepeneur’. Silvanie a dal un “jump” den e mundo di farandula despues di a lansa su promecancion titula “Bek” na aña 2010. Despues el a lansa su album “Different”. E album aki ta contene e cancion popular “Djis mi mes”.

 

E musica di Levi ta un combinacion di diferente estilo y genero, un tiki di folk, poco pop y un tiki di jazz. E ta agrega subackground Caribense p’asina haya un combinacion unico. Silvanie ta

canta na Ingles y na su idioma natal Papiamentu. Su muziek ta yena cu vibra positivo.

Share:

Leave a Reply

Your email address will not be published. Required fields are marked *