Diasabra merdia a drenta informe di un accidente cu hende levemente herida dilanti DA. Mesora a dirigi tanto polis como ambulans na e sitio. Na yegada di e patruya a bin compronde cu un chauffeur di un Nissan Kicks lo a brake pa bai parkeer y un chauffeur di e Mercedes-Benz su tras a hala na banda rechts pa no dal tras di e Nissan Kicks pero no a midi mucho bon y a bai dal den un Hyundai cu tabata para den e parkeerplaats. E Hyundai cu tabata para den e parkeerplaats dor di e impacto a dal den un PickUp Toyota Hilux. E dama di e Hyundai Accent a resulta levemente herida y spanta mas tanto debi cu elo a caba di baha for di e auto secondenan prome cu e accidente. Na yegada di e ambulans nan a atende cu e victima na e sitio mes.